برهان بسيس

في الفترة الاخيرة لاحظت حملة منظمة يقودها بعض الاطراف ضد برهان قال شنوة قلب الفيستة و ولى بيوع و صديق السلطة و المشكل الي الاطراف هاذي هي اخر عباد تنجم تعطينا دروس على خاطر ما عندها حتى مصداقية و نعرفو شكون احرك فيها

برهان نعرفو منذ سنوات عديدة و مشكلتو انو ذكي و يعرف يتصرف و وقتلي يحس روحو في ثنية غالطة يصلح روحو موش كي برشة عباد ماشين للهاوية و مازالو مافاقوش , مازالو مافهموش اللي التسول السياسي و السبان و المستوى الاخلاقي المنحط و معارضة البيران و المجون ما عندها وين توصل

قلت اللي مشكلة برهان انو ذكي و انسان معتدل في مخو و عندو كاريزما و ثقافة سياسية كبيرة و عاش عدة تجارب سياسية و الاكيد ان البعض ماسامحوش على تخليه عن احد الاحزاب المعارضة و وقتها برهان قالي بالحرف الواحد انا منحبش معارضة الصالونات و سكت و ماطاحش يذم في العباد و يحكي على الخنار كما يعملو برشة مرضى و مطردين من الحياة السياسية و مهمشين

مشكلة برهان انو اختار طريق اخر و الاختيار متاعو كان صحيح و بدا يعطي في نتيجة و الجدل الدائر حول برهان دليل على نجاحو و هو ما جعل بعض المعقدين يغيرو من برهان و يسبوه و في الخفاء يتمناو كان جاو في بلاصتو موش ايقولو كل انسان ناجح محسود

واصل طريقك برهان و اش عليك و خلي الكلاب تنبح